[ علمناهم ع السرقه سبقونـا على الأبواب ]

بسم الله الرحمن الرحيم
السلام عليكم ورحمة الله وبركــآته

×××

بيقولوا .. [ علمناهم ع السرقه سبقونـا على الأبواب ]

موضوعنا مو عن السرقه ولا حتى عن الأبواب

موضوعنا بيتكلم في نفس النطاق اللي مذكور فيه المثل ..!

يعني [ مثال ] ..

بيتقدم لك شخص ما بيفهم في أي مجال وخلينا نقول مثلا ً مجال [ التصميم ] ..

وبده يتعلم لانه شغلك أعجبه , وهو بيحاول انه يطور نفسه للأفضل

وانت بتروح بتعلمه وبتعطيه كل شي بيحتاجه في هذا المجال .. ومع مرور الوقت والزمن

بـ يطلع لك وظيفه في هالمجال في بلد ممتــاز ما شاء الله

وللأسف الشديد , بتلاقي انه الشخص اللي علمتـه بيخرب عليك هالشــي ..

[ يــآ ترى شو السبب ...؟

[ مثال في نطاق آخر ]

كنت استــاذ في أحد المدارس , وما شاء الله عنك كنت استاذ عظيم

وبينضرب فيه المثل , وكان في عندك طالب ما شاء الله عنه مبدع وكثير متميز

مثل ما بيقولوا [ الأول ع الشعبه ] .. !

ومع مرور الزمن كنت انت قدوه للطـالب المميز من خلال العلم والمعامله وغيره ..

والطالب كان يحبك كتيــر ويحترمك ويقدرك بشكل جميل جدا ,,

ومع مرور الزمن ,, ما بتشوف الا الطـالب المميز صــآر استاذ معك بنفس المدرسه

ويا عيني عليه , كمان نفس الشي مبدع !

وبتصير صدفه والمدرسه بتعمل مسابقة أفضل استاذ بالمدرسه

واحد المتقدمين انت والاستاذ اللي كان طالــب ,, والتصويت ع طلاب المدرسه

وللأسف الشديد بتلاقي هالاستاذ المحترم بيحكي عنك كلام مو منيح للطلاب اللي بيدرسهم

ع اساس انه درس عندك وبيعرف اسلوبك وسيئاتك وبيخلي شكلك قدامهم غير شكل !

بيسويء سمعتك قدام الطلاب وحتى الاساتذه ... وكله مشان شي تافه مســآبقة ...

[ طيب ليه عمل هيك ..؟

^
^
^

ما تستغربوا .. هذا مجتمعنا العربي ..

الأخ بيخرب ع اخوه في اعماله وعلاقته وعائلته [ وكله مقابل شغلات فارطه وفاشله .. !